Estamos en pleno proceso de reconto mensual. En breve publicaremos resultados, pero o que se segue a constatar é que os alumnos non paran de traer tapóns. Hoxe a cousa xa desbordaba e tivemos que poñer en marcha o seguinte elo da cadea; chamamos ao Concello e ao pouco xa estaban coa súa furgoneta retirando varios sacos de tapóns e levándoos direitiños ao almacén central. Alí esperarán ata que se xunte unha cantidade considerable e un trailer os leve á nave que ASPANEMI ten en Narón.
Aquí vos deixo unhas fotiños da retirada, máis que nada para ilustrar que esta cadea é real e ten diferentes protagonistas...
